კომპანია შატრო ველის წარმატების ისტორია

ღვინის კომპანია შატრო ველი დაფუძნებულია 2017 წელს და მიზნათ ისახავს რაჭა-ლეჩხუმის რეგიონში მეღვინეობის შემდგომ განვითარებას და ადგილობრივი ჯიშების ყურძნისგან დამზადებული ღვინოების პოპულარიზაციას ადგილობრივ და საერთაშორისო ბაზარზე. სახელმწიფო გრანტის, შეღავათიანი აგროკრედიტის და კერძო ინვესტიციების საშუალებით გახდა შესაძლებელი აშენებულიყო თანამედროვე ღვინის საწარმო, რომელსაც შეუძლია გადაამუშავოს 150 ტ ყურძენი და აწარმოოს პრემიალური ხარისხის ღვინოები.

Sadmeli location
Background Image
თანამედროვე ტექნოლოგია

შატრო ველის ღვინის საწარმო აღჭურვილია ახალი ევროპული წარმოების დანადგარებით, ავზებით და ნახევრად-ავტომატური ჩამოსხმის ხაზით. ჩვენთვის ერთ-ერთი უმთავრესი პრიორიტეტი ხარისხის სტანდარტია და ამიტომ ღვინის წარმოების პროცესი ყოველ ეტაპზე ყურძნის დაწურვიდან ჩამოსხმამდე მოწმდება შიდა და გარე ლაბორატორიული ანალიზებით.

ხვანჭკარის მიკროზონა

რაჭის მთიან რეგიონში მდებარე ხვანჭკარის მიკროზონა კარგადაა ცნობილი ადგილობრივი ყურძნის ჯიშების, ალექსანდროულისა და მუჯურეთულის თვისებით შაქარი დააგროვოთ მაღალი რაოდენობით, რომ მივიღოთ უმაღლესი ხარისხის ბუნებრივად ნახევრად ტკბილი ღვინო „ხვანჭკარა“; თუმცა არა ნაკლებ საუცხოოა ამ ჯიშებისგან დამზადებული მშრალი ღვინო „ალექსანდროული“. „ოჯალეში“ ამავე სახელწოდების ყურძნისგან მზადდება, რომელიც ლექხუმის რაიონის სოფ. ორბელში მოჰყავთ.

სწრაფად მზარდი მომხმარებელთა ბაზარი

კანკატელას ღვინოების განუმეორებელი გემოსა და მუდმივად მაღალი ხარისხის წყალობით მათი პოპულარობა მომხმარებელთა შორის სწრაფად იზრდება. თქვენ შეგიძლიათ შეიძინოთ და დააგემოვნოთ ჩვენი პროდუქციის ასორტიმენტიდან თქვენთვის სასურველი ღვინო დედაქალაქის ალკოჰოლური სასმელების სპეციალიზირებულ მაღაზიებში: 8000 მოსავალი, ღვინის გალერეა, რეზერვი, ალკორიუმის მაღაზიათა ქსელი, ვინოთეკა და სხვა. ჩვენი ღვინოების შეძენა ასევე შეგიძლიათ ონლაინ: 8000vintages.ge; vendoo.ge; winedelivery.ge

საწარმოს სტრატეგიული მდებარეობა

შატრო ველის ღვინის საწარმო მდებარეობს ამბროლაურის მუნიციპალიტეტის სოფელ სადმელში. სადმელი და მასთან ერთად რიონის მარცხენა და მარჯვენა ნაპირზე განლაგებული სხვა სოფლები (წესი, კვაცხუთი, ღვიარა, ბოსტანა, დიდი ჩორჯო, პატარა ჩორჯო, პირველი და მეორე ტოლა, ჭრებალო, ჭყვიში, ჟოშხა, ქვიშარი და ა.შ.) ქმნიან ხვანჭკარის მიკროზონას.

ალექსანდროულის და განსაკუთრებით მუჯურეთულის ყურძნის მარცვალს აქვს დამახასიათებელი თხელი, ამასთანავე მკვრივი კანი. ყურძნის ასეთ მარცვალს რაჭაში წინაპრები კანკატელას ეძახდნენ.

ღვინოები